Sufism

Text Box: "Whoever knows the true self, knows God."
The Holy Prophet Mohammad

عرفان

«عرفان، چي په لويديځه نړي کي د تصوف په نوم پيژندل شوي، په واقعيت کي د دين رښتينوالي دي او د عارف هغه کس ته ويل کيږی چي د دين په حقيقت باندي په پوره توګه پوي شوي وي او دين يي پيژندلي وي. عرفان د معرفت او پيژندني څرګندوی دي. په دي عقيده کي معرفت او د خداي پيژندنه د قلبي کشف او باطني ديد له لاري ده نه د استدلال او تحليل له لاري»¹

سالک هغه چا ته ويل کيږي چي تل د خپل وجوديت د حقيقت په لټه کي وي. لکه څنګه چي د خداي تعالي پيغمبران موږ ته راښودلي دي د غيبي او مطلق علم پيژندنه او لاس ته راوړنه د کتابونو د مطالعي له لاري هيڅ کله هم لاس ته راتلونکي نه دي. په حقيقت کي پيغمبران په خپله هم د وحي او الهاماتو په مرسته د خپل وجود په ژورو حقيقتونو لاس بري وموند او په پاي کي يي خپلی پيژندني او لټوني د سپيڅليو تورو او ويو په قالب کي بشريت ته وړاندي کړي.²

هر کس مکلف دي چي د خپل وجود حقيقت په خپله وپيژني. لکه څنګه چي موږ د خپلي سا ايستلو او خوړلو له پاره په نورو اتکا نشو کولي، په همدي ډول موږ نشو کولي چي دا توقع ولرو چي نور خلک موږ د دين د جامع او مکمله معني په لاس راکړي. په عمل کي دا د هر کس دنده ده چي په خپله د خپل وجود په حقيقت باندي ځان پوي کړي او لکه ساايستل په خپله يي تجربه کړي.³

[1] Angha, S. (1986). The Mystery of Humanity – tranquility and survival. Lanham, Md.: University Press of Amercia, p.1

[2] M.T.O. (1997). Maktab Tarighat Oveyssi Shahmaghsoudi (School of Islamic Sufism). M.T.O. Shahmaghsoudi, USA. p.12

[3] M.T.O., 1997, n2.