Sufi-arkitektur er avleidd frå og speglar att prinsippa og lærdomane i sufismen. Det er derfor, som med alle andre fag og ekspertisefelt, at det overflatiske og flytande augkastet frå ein umedviten åskodar aldri fullt ut kunne koma til å forstå og setja pris på den djupe kunnskapen og den tilsikta bodskapen som vert målboren til åskodaren. Det er av denne grunnen det er naudsynt med ein stutt bakgrunn i og forståing av sufismen for å sannkjenne dei løynlege og mystiske sidene av sufi-arkitektur.

Eit viktig og umissande formål med ulike kunstverk er å uttrykkje og målbera ein serskild idé, omgrep eller ideologi. Sufi-arkitektur er ei eineståande vakker og innfløkt kunstform som stettar dette formålet ved å uttrykkje fysisk dei mystiske løyndomane i vera gjennom serskild bruk av slik kunnskap som matematikk, geometri og astrologi.

Eit av hovudmåla i sufismen er å verte vis med og dyrke gøymde gåver, mogelegskapar og evner. Gjennom sufismen finn studentane sine eigne indre gåver. Denne same skaparflyten kjem òg fram og ovrar seg i forma på sufi-kunst og -arkitektur.

«Minnebygningen» nær Novato i California er eit verk av kunst og arkitektur skapt i samband med Oveyssi-sufiskulen. Det vart utforma og uttenkt av Hazrat Salaheddin Ali Nader Shah Angha , som eit minnesmerke over den elska far og læraren hans, Hazrat Sadeq Angha. Heile bygningen er i grunnen eit kunstverk, fylt med kalligrafi og intrikat utskoren gips attåt tegl- og spegelmosaikk. Men den ekte venleiken i denne bygnaden ligg i den underliggjande mystiske utforminga og symbolismen. Til dømes finn ein namnet Hazrat Sadeq Angha når dimensjonane på bygningen vert omgjorde i samsvar med sufi-vitskapen om bokstavar og tal. Det er forvitneleg at kvart einaste aspekt ved denne bygningen har ei symbolsk meining.1